Во нов бран на насилство што ја потресе Блискиот Исток и Персискиот Залив, борбите меѓу регионалните сили експлодираа во уште поинтензивни судири. Израелските одбранбени сили (ИДФ), поддржани од Соединетите Американски Држави, изведоа обемни воздушни и копнени операции против цели во и околу Техеран, како и во соседен Либан, каде што започнаа „ограничени копнени дејства“.
Во соопштение објавено по серијата напади, американскиот претседател Доналд Трамп го опиша најновиот воздушен удар врз Иран како „превентивна акција“, истакнувајќи дека Вашингтон и Тел Авив дејствувале по неуспехот на повеќе рунди преговори околу иранската нуклеарна програма. Според неговите тврдења, американските сили досега погодиле повеќе од 7.000 цели во Иран, вклучително ракетни лансери, беспилотни платформи и објекти на иранската морнарица, со значително разорни ефекти врз способностите на Техеран.
Трамп додаде дека мисијата ќе продолжи „со целосна сила“, а во драматичен тон го повика и меѓународниот фактор да придонесе за разлабдување на тензиите. Тој посочи дека Ормутскиот теснец треба итно да се деблокира, предупредувајќи: „Доколку тоа не се случи, Алијансата може да се соочи со многу потешка иднина.“
Од Техеран, иранските власти жестоко возвратија. Техеран официјално ѝ се закани на Романија со политички и правни последици доколку ѝ дозволи на американската армија да користи нејзина територија како база за операции против Иран.
Али Лариџани, високорангиран ирански безбедносен службеник, го критикуваше односот на исламските држави, истакнувајќи дека многу од нив не ја поддржале Техеран додека тој се соочувал со воен притисок од САД и Израел.
Мохамед Бакер Галибаф, претседател на иранскиот парламент, во интервју за регионални медиуми рече дека Техеран не очекувал соседните држави да послужат како подлога за „агресија“ против неговата земја, што, како што рече, ги принудило иранските сили да возвратат.
Галибаф ја критикуваше улогата на американските воени бази во Персискиот Залив, велејќи дека тие не донеле безбедност, туку, напротив, ја шират нестабилноста. Тој истакна дека Иран располага со значителни ракети и беспилотни системи и дека е подготвен за „долготрајна војна“, додека непријателските сили не покажат „искрено каење“.
„Нема да прифатиме прекин на огнот додека агресорот не покаже вистинско одвраќање од нападите“, порача тој, и додаде дека Техеран се стреми кон „трајни безбедносни договори“ со соседите, но нема да се врати на состојбата пред започнувањето на конфликтот. „Овој пат нема да биде како Сирија или Венецуела – ќе се бориме до отстранување на заканата“, подвлече тој.
Во меѓувреме, Катар соопшти дека успеал да пресретне ракета испратена од иранска територија, чиј остатоци паднале во индустриска зона и предизвикале пожар. Иако немаше вести за сериозни жртви, нападот ја зголеми тензијата во веќе кревкиот регион.
Ирачки извори и дел од светските медиуми објавија дека ирански ракети и беспилотни летала повторно ја нападнале амбасадата на САД во Багдад, што следело по воздушните напади во кои загинале неколку лица поврзани со ирански безбедносни структури.
