Малта воведе необична мерка со цел да го намали сообраќајниот метеж и бројот на возила на патиштата, нудејќи финансиски стимул за граѓаните кои ќе се откажат од возењето.
Според новата програма, граѓаните можат да добијат до 25.000 евра доколку се обврзат дека нема да управуваат моторно возило во период од пет години. Износот се исплаќа на годишно ниво, односно по 5.000 евра годишно.
За да бидат дел од програмата, кандидатите треба да се помлади од 30 години, да живеат во Малта најмалку седум години и да имаат важечка возачка дозвола од Б категорија најмалку една година. Мерката не важи за лица на кои возењето им е неопходно поради работни обврски, како и за оние на кои им е одземена дозволата поради прекршок.
Властите предвиделе и санкции за прекршителите на договорот. Во случај учесник да биде фатен како вози за време на програмата, ќе треба да плати казна од 5.000 евра, како и да го врати остатокот од добиените средства.
Оваа иницијатива е дел од пошироките напори на Малта за намалување на сообраќајниот притисок и поттикнување на користењето алтернативни форми на превоз, имајќи предвид дека земјата се соочува со високо ниво на моторизација во Европа.
