Градоначалникот на Општина Прилеп, Дејан Проданоски, упати честитка до граѓаните од исламска вероисповед по повод големиот муслимански празник Рамазан Бајрам.
Во својата порака, Проданоски им посака мир, здравје, радост и благосостојба на сите верници, нагласувајќи дека празничните денови се време кога се истакнуваат вредностите на солидарноста, меѓусебната почит и заедништвото.
Тој порача дека токму овие вредности треба да бидат водилка за градење подобра иднина и посилна заедница, потенцирајќи дека само преку единство може да се постигне напредок и просперитет во општеството.
„Да ги негуваме заедничките вредности на хуманост, разбирање и почит, бидејќи само сплотени можеме да изградиме посилна, посреќна и понапредна заедница“, се наведува во честитката на Проданоски.
На крајот од пораката, градоначалникот им го честита празникот на сите граѓани со зборовите: „Честит Рамазан Бајрам.“
…
