Илјадници муслимани излегоа на улиците во Москва и Санкт Петербург за да го одбележат големиот празник Рамазан Бајрам, при што беа организирани масовни молитви на отворено.
Според објавите на NEXTA, огромниот број верници предизвикал целосен прекин на сообраќајот на дел од улиците во двата руски града.
Во раните утрински часови, централните градски подрачја беа исполнети со луѓе кои заеднички се молеа, означувајќи го крајот на месецот Рамазан. Поради масовноста на настанот, безбедносните служби биле распоредени на повеќе локации за да го регулираат движењето и да обезбедат ред.
Слични сцени се забележани и во претходните години, но овојпат бројот на присутни е особено голем, што дополнително го отежна функционирањето на сообраќајот.
Бајрамските молитви традиционално собираат голем број верници, а во големите метрополи како Москва и Санкт Петербург, често се одржуваат и на отворени јавни простори поради ограничениот капацитет на џамиите.
