Во Општина Битола во тек се градежни активности за реконструкција на дел од коловозот на улиците „Леринска“ и „Христо Узунов“.
Моментално, јавното претпријатие „Нискоградба“ работи на изведба на мешовита канализациска мрежа, која опфаќа фекална и атмосферска канализација, како и приклучоци за домаќинствата долж трасата.
По завршување на оваа фаза, ќе следува асфалтирање на улиците, со што ќе се подобрат условите за сообраќај и секојдневно функционирање на жителите.
За реконструкцијата на коловозот се издвоени 4.004.100 денари, додека за изградбата на канализационата мрежа се наменети 2.872.960 денари. Средствата се обезбедени од буџетот на Општина Битола.
…
