Во Музејот на македонската борба за самостојност денеска се одржува свечена промоција на новата Швајцарска комора на Македонија – СвисЧам МК, настан кој ветува да ја зацврсти економската и деловната поврзаност помеѓу двете земји.
На свеченоста ќе се обратат претседателот на СвисЧам МК, амбасадорот на Швајцарија во земјава, Кристоф Зомер, како и заменик-министерот за надворешни работи и надворешна трговија, Зоран Димитровски, за иднината на билатералната соработка.
Од Комората истакнуваат дека основањето на СвисЧам МК е значаен чекор кон промовирање на швајцарските деловни вредности и практики во Република Македонија, како и кон создавање нови можности за економска интеграција и партнерства меѓу македонски и швајцарски компании.
