Сè повеќе студии укажуваат дека одржувањето на здрави нивоа на витамин Д е клучно не само за коските, туку и за мозокот, расположението и спиењето. Недостатокот на овој витамин е поврзан со когнитивни проблеми, како деменција, и со депресивни епизоди, додека оптималните нивоа можат да го поттикнат производството на серотонин, хормонот кој ни го регулира расположението.
Експертите нагласуваат дека времето и начинот на земање на додатоците се важни. Најдобро е витамин Д да се зема со најголемиот оброк во денот, најчесто пладне, бидејќи е растворлив во масти и телото го апсорбира најдобро кога е комбиниран со здрави масти – мислете на авокадо, маслиново масло, јаткасти плодови, семки или масна риба како лосос.
Истражување од 2019 година кај жени во постменопауза покажа дека дневна доза од 2.000 меѓународни единици (IU) ја подобрува визуелната меморија, работната меморија и способноста за учење. Но, повисоките дози не се препорачуваат, тие може да донесат спротивен ефект.
Нашето тело природно произведува витамин Д кога кожата е изложена на сонце, а сончевите зраци се најсилни помеѓу 10:00 и 16:00 часот. Земaњето на додатокот во тој период го имитира природниот процес на телото и го поддржува црниот дроб во правилна обработка на витаминот. Дополнително, дневниот внес на витамин Д може да го поттикне производството на мелатонин, што помага за подобар сон и, индиректно, за подобро расположение.
Некои истражувања исто така сугерираат дека пладневната доза може да влијае и на серотонинот, што дополнително ја објаснува врската меѓу витамин Д и добро расположение, но научниците нагласуваат дека се потребни дополнителни истражувања.
Со намалената изложеност на сонце во зимските месеци, природното производство на витамин Д опаѓа, што може да доведе до намалување на серотонинот и да придонесе за сезонско афективно растројство (САП). Земaњето додатоци пред и за време на зимата може да помогне во создавање и одржување на витаминските резерви, а некои студии покажуваат дека во одредени случаи може да биде исто толку ефикасно како светлосната терапија. Сепак, резултатите се мешани, па не може да се смета како единствена терапија.
Како и секогаш, лекарска консултација е клучна пред започнување на долгогодишен внес на витамин Д, особено ако веќе користите други лекови.
