Балканот го очекува драматичен временски пресврт – наместо стабилна пролет, од денес следува вистинско враќање на зимата, со снег, силен ветер и нагло заладување.
Според најновите метеоролошки анализи, од север кон регионот продира значително постуден воздух кој ќе донесе силен циклон и сериозна промена на времето. Овој систем ќе зафати голем дел од Балканот како и Македонија и ќе предизвика обилни врнежи, бурен ветер и пад на температурите.
Најпогодени ќе бидат делови од Босна и Хрватска, каде на планините се очекува и до еден метар снег, а снежната граница ќе се спушти значително пониско од вообичаеното за овој период.
Температурите ќе доживеат шокантен пад – во некои региони и за повеќе од 10 до 15 степени, што ќе создаде услови за вистинско зимско сценарио, иако календарски веќе сме во пролет.
Во Македонија, попладне времето ќе стане нестабилно со повремено обилни врнежи од дожд, кои на планините ќе преминуваат во снег. Ќе дува и засилен јужен ветер, кој локално може да достигне брзина над 60 километри на час.
Она што дополнително загрижува е влијанието врз земјоделството. Наглото заладување може сериозно да ги погоди овошките кои веќе се во фаза на цветање, со ризик од мраз и оштетување на родот.
Но тука не завршува приказната – прогнозите покажуваат дека и почетокот на април ќе биде невообичаено студен, со зимски карактер, чести врнежи и можност за снег дури и во пониските предели.
Наместо пролетна стабилност, следуваат денови на временски екстреми. Балканот влегува во период на нестабилно, студено и динамично време – вистински потсетник дека зимата сè уште не го кажала последниот збор.
Прашањето е: дали сме подготвени за враќање на зимата токму кога мислевме дека е зад нас?
