Во Општина Илинден заврши изградбата на новата централна кујна за градинката „Гоце Делчев“, а денеска градоначалникот Александар Георгиевски изврши увид во објектот. Со површина од 300 квадратни метри распоредени на два ката, кујната ќе може да подготвува над 600 оброци дневно, со што значително ќе се олесни секојдневното функционирање на образовните установи во општината.
Откако ќе биде набавена потребната опрема и објектот ќе биде пуштен во употреба, новата кујна ќе обезбедува оброци не само за градинката, туку и за основните училишта со продолжен престој. Постојниот простор што се користеше како кујна ќе биде пренаменет во две нови занимални, овозможувајќи згрижување на дополнителни 50 деца и значително зголемување на вкупниот капацитет на градинката.
