Делови од Тетово денес останаа без вода поради дефекти на пет места, со прекини кои траеја од три до пет часа, соопштија од ЈКП „Шар“.
Два дефекти се случија на улицата „Кузман Јосифоски-Питу“, додека останатите три беа на улиците „186“, „Штипска“ и „Мурат Бафтијари“.
„Интервенирано е на сите дефекти и сите се санирани, по што водоснабдувањето е нормализирано. Во зависност од исполнетоста на системот, водата постепено ќе пристигнува до домаќинствата“, информираше директорот на ЈКП Тетово, Ваљон Зеќири.
Жителите на погодените улици беа предупредени за временските прекини и ЈКП „Шар“ апелираше за рационално користење на водата до целосна нормализација на снабдувањето.
…
