Американски воен авион за радарско набљудување E-3 Sentry (AWACS) се урна во ирански ракетен и дронски напад врз воздухопловната база „Принц Султан“ во Саудиска Арабија, јавуваат странски медиуми.
Според информациите, во нападот се повредени повеќе од 10 припадници на американската војска, од кои двајца се здобиле со потешки повреди. Освен аваксовиот авион, оштетени биле и други летала, вклучително и авиони за воздушно полнење гориво.
Засега нема официјален коментар од американската војска за инцидентот. Пред нападот, во базата биле стационирани шест авиони од типот E-3.
E-3 Sentry е еден од најважните извидувачки авиони на САД, кој служи за следење на воздушниот простор, откривање на непријателски движења и координација на борбени операции. Овој тип на летало се користи со децении во големи воени конфликти ширум светот.
