Иранската револуционерна гарда објави дека планира напади врз американски компании во регионот, како одговор на неодамнешните акции против Иран, пренесоа државните медиуми.
Според соопштението, мета на нападите ќе бидат 18 големи корпорации, меѓу кои Мајкрософт, Гугл, Епл, Интел, Ај-Би-Ем, Тесла и Боинг.
Во пораката се наведува дека нападите ќе започнат на 1 април во 20:00 часот по локално време, при што компаниите се предупредуваат дека нивните објекти може да бидат цел на уништување како одмазда за, како што се наведува, „терористички дејствија“ против Иран.
ИРГК тврди дека токму технолошките и компаниите поврзани со вештачка интелигенција имаат клучна улога во „дизајнирање и следење на цели“, поради што се ставени на листата на потенцијални цели.
Воедно, во соопштението се упатува апел до вработените во овие компании веднаш да ги напуштат своите работни места, а жителите во близина на нивните објекти да се евакуираат во радиус од еден километар, со цел да се избегнат можни последици.
