Италијанските здравствени власти потврдија нов алармантен, но засега неопасен настан: првиот европски случај на птичји грип H9N2 кај човек. Пациентот е младо момче кое неодамна се вратило од Африка и веднаш по враќањето во Ломбардија било хоспитализирано и сместено во изолација во болницата „Сан Жерардо“ во Монца.
Според официјалното соопштение на италијанското Министерство за здравство, вирусот бил откриен на 25 март 2026 година преку рутински лабораториски тестови. Иако момчето имало претходни здравствени проблеми, тековната клиничка слика е блага, а лекарите очекуваат целосно закрепнување.
