Денес, во касарната „Страшо Пинџур“ во Петровец, Првата пешадиска бригада (1.пбр) ќе го прослави својот ден, момент кој ја одбележува историската трансформација на единицата. На 2 април, бригадата го прославува својот „роденден“, датум кој потсетува на спојот на две поранешни бригади и преземањето на нивните задачи, со што Првата пешадиска бригада се издигна во најголемата борбена сила во составот на Армијата.
На свеченоста ќе присуствуваат високи воени и цивилни претставници, меѓу кои министерот за одбрана Владо Мисајловски, началникот на Генералштабот, генерал-мајор Сашко Лафчиски, други генерали од Армијата, како и команданти и претставници на потчинетите единици. На настанот ќе бидат присутни и бројни гости од Министерството за одбрана и Генералштабот, како и други официјални лица.
