Пет лица го загубија животот, а 14 се повредени во тешка сообраќајна несреќа што се случила утринава во близина на Анкара, кога патнички автобус удрил во потпорен столб на надвозник.
Според информациите објавени од турскиот медиум ТРТ Хабер, несреќата се случила во населбата Сарај, во близина на селото Кахраманмарас. Од силината на ударот автобусот се превртел, при што е причинета голема материјална штета.
Градоначалникот на метрополитенската општина Анкара, Мансур Јавас, изјави дека веднаш по несреќата на терен биле испратени противпожарни и медицински екипи. Повредените патници биле транспортирани во најблиските болници за укажување лекарска помош.
Надлежните институции веќе започнале истрага за утврдување на причините за несреќата, кои засега не се познати.
