Околу една петтина (18%) од бензинските станици во Франција утрово пријавиле недостаток на барем еден вид гориво, соопшти Мауд Брежон, портпаролка на владата и министерка за енергетика.
Најголем удар претрпеле станиците на TotalEnergies, кои сочинуваат 83 отсто од погодените локации. Компанијата воведе ограничување на цените: бензинот се продава по 1,99 евра за литар, а дизелот по 2,09 евра.
Во меѓувреме, францускиот премиер Себастијан Лекорну најави нов „пакет мерки“ за поддршка на граѓаните погодени од нестабилноста на пазарот на горива. Брежон нагласи дека помошта нема да важи за сите и нема да вклучува замрзнување на цените, туку ќе се фокусира на специфични мерки насочени кон оние кои најмногу страдаат од сегашната ситуација.
