Во Гевгелија, 30-годишен мигрант од Алжир се здобил со сериозни повреди откако паднал при обид да се качи на воз во движење. Несреќата се случила на локацијата позната како „Подвозник“, а инцидентот бил пријавен во Полициската станица Гевгелија на 5 април околу 18:33 часот.
Според информации од МВР, возот му ја прегазил десната нога при падот. Повредениот веднаш бил пренесен во Медицинскиот центар Гевгелија, каде што лекарите констатирале тешки телесни повреди.
На местото на несреќата извршен е увид од екипа на гевгелиското Одделение за внатрешни работи, а јавниот обвинител од Основното јавно обвинителство во Гевгелија бил информиран за настанот.
