Општина Центар и оваа година, во пресрет на Велигденските празници, реализираше хуманитарна акција со која беа доделени пакети со основни прехранбени производи на семејства во социјален ризик кои живеат на нејзината територија.
Од општината истакнуваат дека не станува збор за изолирана иницијатива, туку за дел од постојана пракса и континуирана грижа за ранливите категории граѓани, особено во периоди на празници кога потребата од солидарност е уште поизразена. Целта на ваквите активности е да се обезбеди поддршка таму каде што е најнеопходна и да се придонесе празничните денови да поминат со повеќе достоинство, топлина и чувство на заедништво.
Градоначалникот Горан Герасимовски порача дека Велигден претставува симбол на надеж, човечност и солидарност, нагласувајќи дека токму тие вредности ја поттикнуваат општината да продолжи со вакви мерки на поддршка.
