Во Пекинг пристигна шефот на руската дипломатија, Сергеј Лавров, каде што го очекува серија разговори со кинеските власти насочени кон продлабочување на билатералната соработка и усогласување околу клучните безбедносни прашања во светот.
Средбите, како што информира руското Министерство за надворешни работи, ќе бидат околу две големи теми на меѓународната сцена: продолжената војна во Украина и ескалациите на Блискиот Исток. Лавров треба да седне на иста маса со кинескиот министер за надворешни работи Ванг Ји, со кого неодамна имал телефонска комуникација во која двете страни изразиле подготвеност за заедничко делување во насока на намалување на регионалните тензии.
Во исто време, Пекинг ја засилува својата дипломатска активност и преку посети на високи претставници од повеќе земји погодени од глобалните конфликти и нивните економски последици. Меѓу гостите кои неодамна беа примени во Кина се претседателот на Виетнам, То Лам, како и престолонаследникот на Абу Даби, Мохамед бин Зајед ал Нахјан.
Кинеското раководство, во разговори со делегации од регионот на Заливот порача дека Кина останува отворена за активно учество во процесите на стабилизација, нагласувајќи ја амбицијата на Пекинг да биде значаен посредник и фактор во напорите за враќање на мирот и глобалната рамнотежа.
