Опасната пуферска риба Lagocephalus sceleratus повторно е уловена во Јадранското Море, овој пат во близина на Сплит, што повторно ја вклучи алармантната реакција кај експертите и надлежните служби.
Станува збор за исклучително токсичен вид кој содржи тетродотоксин – силен отров што може да предизвика тешки здравствени последици, па дури и смрт доколку се консумира. Оваа риба претставува сериозна закана не само поради токсичноста, туку и поради нејзината силна вилица и остри заби, кои можат да предизвикаат сериозни повреди.
Од надлежните апелираат рибарите и граѓаните да бидат крајно внимателни и да избегнуваат директен контакт со вакви примероци. Се препорачува секој улов или забележување веднаш да се пријави, со цел подобро следење на нејзиното ширење.
Покрај оваа риба, во Јадранот сè почесто се појавува и инвазивниот вид Pterois miles, познат како светулка, кој веќе е значително распространет во јужните и централните делови на морето.
Научниците предупредуваат дека ваквите појави се дел од процесот на тропилизација – постепена промена на морскиот екосистем поради навлегување на видови од потопли региони, што може да има долгорочни последици за биодиверзитетот и безбедноста.
…
