Премиерот Христијан Мицкоски денеска упати порака до опозицијата, во која навести дека во периодот што следува можни се истраги и постапки против поранешни високи државни функционери од редовите на СДСМ, вклучително и поранешни премиери и лица од нивниот најблизок семеен круг.
Тој притоа нагласи дека не располага со конкретни информации или докази, туку дека се работи за негови лични претпоставки дека одредени случаи би можеле да бидат предмет на интерес на надлежните органи.
Во тој контекст, Мицкоски ги повика опозициските партии однапред да не реагираат со обвинувања за политички прогон, туку, како што порача, да покажат исто ниво на критичност, имајќи предвид дека секој повикан ќе има можност пред институциите да ја докаже својата невиност.
