Македонската сообраќајна полиција, во рамки на Европската мрежа ROADPOL, од денеска е дел од големата меѓународна акција „Speed Marathon“ насочена кон контрола на брзината на возење. Во период од 24 часа, почнувајќи од полноќ, па сè до истото време утре, полициски екипи се распоредени низ целата држава со засилено присуство на патиштата.
Акцијата не е замислена исклучиво како репресивна мерка, туку пред сè како превентивна иницијатива. Со однапред познати точки на контрола, целта е возачите да се поттикнат на поголема внимателност и дисциплина во сообраќајот, како и да се подигне јавната свест за ризиците што ги носи неприлагодената и прекумерна брзина.
