Луксузниот хотел Бурџ Ал Араб во Дубаи ќе биде затворен за време на голема реконструкција што ќе трае околу 18 месеци, потврди член на персоналот.
Станува збор за прво големо реновирање на иконскиот хотел од неговото отворање во 1999 година. Според информации од сопственикот, хотелскиот синџир Џумеира Груп, работите ќе се изведуваат во фази, а проектот ќе го води парискиот архитект за ентериер Тристан Оер.
Сè уште не е целосно прецизирано дали објектот целосно ќе биде затворен во текот на целиот период на реконструкција, но персоналот информира дека за гостите ќе бидат обезбедени алтернативни сместувања во блиски хотели.
Хотелот, познат по својата препознатлива форма на едро и статус на еден од најлуксузните објекти во светот, останува еден од најважните симболи на туризмот во Дубаи.
Од компанијата наведуваат дека проектот за реконструкција не е поврзан со неодамнешни инциденти или надворешни фактори, туку е дел од долгорочен план за модернизација на објектот.
