Руските војници спровеле тајна операција зад украинските линии, при што успеале да запленат важни документи без да биде испукан ниту еден куршум, соопшти руското Министерство за одбрана.
Операцијата ја предводел поручникот на гардата Дмитриј Бирјуков, чии извидници откриле привремена точка на распоредување на украинските сили. Во близина бил забележан патнички автомобил во кој се товарале кутии со документи.
Според наводите, под заштита на чадни бомби, руските војници се распоредиле од повеќе страни и ги совладале украинските војници без употреба на огнено оружје. Потоа ги врзале, ги натовариле во возило и со голема брзина ја напуштиле зоната, носејќи ги со себе документите и тројца заробеници.
По анализата на запленетите материјали и исказите на заробените, руската команда ја утврдила точната позиција на украинските сили. Следувале ракетни напади врз тие позиции, при што, според Министерството, биле уништени персоналот и опремата.
Од Министерството за одбрана посочуваат дека операцијата придонела за ослободување на една населба во зоната на специјални операции.
…
