Украина побара од Турција да биде домаќин на евентуална средба меѓу претседателот Володимир Зеленски и рускиот лидер Владимир Путин, изјави шефот на украинската дипломатија Андриј Сибиха.
„Ги прашавме Турците за тоа, а разговаравме и со други престолнини“, рече Сибиха, додавајќи дека Киев е подготвен да разгледа било која локација за средбата, освен Белорусија и Русија.
Украинскиот претседател подолго време инсистира на директна средба со Путин со цел да се забрза процесот за ставање крај на војната, која трае повеќе од четири години. Од друга страна, Белорусија се смета за близок сојузник на Москва, имајќи ја предвид нејзината улога во почетокот на руската инвазија врз Украина во 2022 година.
Сибиха не откри дали Анкара официјално одговорила на иницијативата, но нагласи дека Украина ќе прифати ако било која друга престолнина, освен Москва и Минск, се понуди да ја организира средбата.
Од Кремљ претходно изјавија дека се подготвени да го угостат Зеленски во Москва, но украинскиот претседател веќе јасно стави до знаење дека нема намера да патува таму.
…
