Иранскиот корпус на Револуционерната гарда објави видео-снимка од акцијата за запленување на товарниот брод „MSC Epaminondas“, кој беше пресретнат во Ормутскиот теснец, во инцидент што дополнително ги заостри тензиите во регионот.
На видеото се гледа како иранските сили се приближуваат кон бродот и ја преземаат контролата врз него. Станува збор за еден од двата брода што беа запленети во текот на вчерашните настани во теснецот.
Според иранската новинска агенција Фарс, во период од неколку часа биле нападнати три трговски брода. Едниот бил погоден и насукан во близина на иранскиот брег, додека „MSC Francesca“ и „MSC Epaminondas“ биле запленети и пренасочени кон иранска територија.
Поморската разузнавачка компанија „Vanguard“ соопшти дека еден од бродовите бил нападнат на околу шест наутички милји од иранскиот брег, по што му било наредено да го спушти сидрото. Пријавени се оштетувања на трупот и на сместувачките капацитети.
Британската агенција за поморска безбедност UKMTO претходно информираше дека врз бродот „Еуфорија“ бил отворен оган западно од Иран, но без повредени членови на екипажот.
Иранските медиуми, повикувајќи се на морнарицата на Револуционерната гарда, тврдат дека запленетите бродови „пловеле без соодветни дозволи“ и „ја загрозиле поморската безбедност“.
Во меѓувреме, Белата куќа соопшти дека американскиот претседател Доналд Трамп не ги смета овие акции за прекршување на прекинот на огнот, и покрај тоа што продолжува американската блокада на бродови кои пловат кон иранските пристаништа.
На бродот „MSC Francesca“ се наоѓаат и четворица црногорски морнари. Министерот за поморски работи на Црна Гора, Филип Радуловиќ, потврди дека сите членови на екипажот се безбедни и дека се водат преговори меѓу бродската компанија и иранските власти.
Инцидентите во Ормутскиот теснец повторно го ставаат во фокус еден од најважните светски поморски коридори, низ кој поминува значителен дел од глобалниот транспорт на нафта и гас.
The Islamic Revolutionary Guards Corps (IRGC) has released footage of the IRGC-N seizure of the two cargo vessels, the MSC Francesca and the Epaminondas, in the Strait of Hormuz earlier today. Per the White House press secretary, U.S. President Donald J. Trump does not consider… pic.twitter.com/p3z0n2sFz6
— OSINTdefender (@sentdefender) April 22, 2026
…
