Во североисточниот дел на Данска утрово се случи сериозен железнички инцидент, кога два патнички воза се судриле на линијата меѓу Хилерод и Кагеруп, во близина на Истеродвејен. Несреќата предизвикала хаос на теренот и голема мобилизација на спасувачките служби.
Според првичните информации од службите за итни случаи во Копенхаген, во судирот се повредени 17 лица. Четворица од нив се во критична здравствена состојба, додека останатите се здобиле со полесни до потешки повреди.
Повредените биле извлечени од местото на несреќата со брза интервенција на екипите на итната медицинска помош. Дел од нив биле пренесени со амбулантни возила, а за потешко повредените биле ангажирани и хеликоптери за итен транспорт кон болниците.
Полицијата од регионот Северен Зеланд ја потврди големината на инцидентот, опишувајќи го како сериозна железничка несреќа. На терен се распоредени бројни спасувачки и истражни екипи кои работат на утврдување на причините за судирот.
Железничката делница каде што се случи несреќата е целосно затворена за сообраќај, додека трае увидот и акцијата за расчистување на теренот.
ВИДЕОТО МОЖЕТЕ ДА ГО ПОГЛЕДНЕТЕ ТУКА
…
