Американската војска соопшти дека во нова операција во источниот Пацифик се убиени две лица при напад врз брод за кој се тврди дека бил поврзан со шверц на дрога. Настанот е дел од поширока кампања што Вашингтон ја спроведува против, како што ги нарекува, „наркотерористички мрежи“.
Јужната команда на САД информираше дека операцијата е извршена по наредба на генералот Франсис Л. Донован, а во акцијата учествувала единица за борба против наркотици распоредена во регионот. Објавено е и видео на кое се гледа моментот на експлозијата и уништувањето на пловилото.
Според американската страна, разузнавачки податоци укажувале дека бродот се движел по познати рути за шверц на дрога и учествувал во нелегални активности. Во соопштението се наведува дека нема повредени припадници на американските сили.
Од почетокот на кампањата, која трае од минатата година, американските операции во Карибите и источниот Пацифик резултирале со најмалку 178 жртви. Сепак, дел од меѓународната јавност и организации за човекови права предупредуваат дека недостасуваат јасни докази за тврдењата дека сите цели биле поврзани со трговија со дрога.
Правни експерти ја доведуваат во прашање легалноста на ваквите акции, оценувајќи дека тие може да претставуваат кршење на меѓународното право. Истовремено, семејства на жртви од претходни напади веќе покренале правни постапки против американските власти.
Администрацијата на американскиот претседател Доналд Трамп ја брани кампањата, тврдејќи дека таа е дел од поширока војна против нарко-картелите и неопходна за намалување на смртните случаи од дрога во САД. Трамп претходно изјави дека ваквите операции се „неопходен и оправдан чекор“.
On April 24, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known… pic.twitter.com/FRHwqXsHm2
— U.S. Southern Command (@Southcom) April 25, 2026
…
