Голем инцидент го засени боксерскиот меч меѓу рускиот боксер Горохов и турскиот борец Калкан, откако по завршувањето на борбата дојде до физички напад во рингот и хаос меѓу публиката.
Според извештаите, по победата на Горохов за титулата на УБО, рускиот боксер се обидел спортски да му подаде рака на својот противник. Наместо фер-плеј, ситуацијата ескалирала кога турскиот тренер го нападнал победникот, по што дел од навивачите влегле во рингот и се приклучиле во инцидентот.
Настанала општа тепачка, при што обезбедувањето и организаторите едвај успеале да ја стават ситуацијата под контрола.
Поради сериозниот инцидент, борбата е прогласена за неважечка, а според првичните информации, и двајцата боксери би можеле да се соочат со дисквалификација, иако истрагата сè уште е во тек.
Случајот предизвика бурни реакции во спортската јавност, особено поради нарушувањето на основните принципи на фер-плеј и безбедност на спортските настани.
Надлежните спортски федерации се очекува да донесат конечна одлука во наредните денови.
