Три лица го загубија животот во тешка сообраќајна несреќа што денеска околу 13 часот се случила на автопатот Шабац – Рума во Србија, информира српската полиција.
Според првичните информации од медиумите, до несреќата најверојатно дошло поради неправилно влегување на автопатот. Возач на темно сив автомобил „форд“ се движел во спротивна насока со голема брзина, достигнувајќи околу 130 километри на час.
Во еден момент, возилото директно се судрило со црн автомобил „голф“, при што настанале фатални последици.
Надлежните служби извршиле увид на местото на несреќата, а истрагата е во тек за утврдување на сите околности што довеле до трагедијата.
