За 1 Мај во земјава ќе не очекува значително посвежо и променливо време, нетипично за почетокот на мај, со наизменично појавување на облаци и сончеви интервали.
Под влијание на студена воздушна маса која се спушта од север, температурите ќе бидат во осетен пад и далеку под вообичаените вредности за овој период од годината. Во текот на денот се предвидува и засилен северен и североисточен ветер, кој повремено ќе создава дополнително чувство на студ.
Попладневните часови носат услови за појава на слаб и локален дожд, додека во повисоките предели над околу 1.400 до 1.500 метри не се исклучува можноста за краткотрајно провејување на снег.
Во Скопје и пошироката котлина времето ќе биде слично: променливо облачно со повремени сончеви периоди, но со изразена свежина за овој дел од годината. Попладне во одредени делови од градот може да се појави краткотраен слаб дожд, проследен со повремени налети на северен ветер.
Утринските температури низ државата ќе се движат во широк опсег, од околу -3 степени во најстудените места, па до 8 степени во пониските региони, при што во планинските и повисоките населени места е можен и утрински мраз. Во Скопје минималната температура ќе се спушти околу 4 степени.
Во текот на денот, максималните вредности ќе останат релативно ниски, од 9 до 18 степени на ниво на држава, додека во главниот град се очекува температура до околу 16 степени.
…
