Во Љубљана се отвори инспекциска постапка поради необична понуда во еден хостел, каде на гостите им се нуди ноќевање во шатори поставени на седмиот кат од објектот, по цена од 75 евра за ноќ.
Случајот го регистрирале надлежните пазарни инспектори, кои потврдиле дека понудата веќе е предмет на надзор. При извршената контрола било утврдено дека сместувачкиот објект во својата понуда вклучува престој во шатори наменети за гости кои преноќуваат.
Инспекциските служби укажуваат дека дејноста на угостителско сместување е дозволена само доколку се почитуваат одредбите од Законот за угостителство, но и сите дополнителни прописи поврзани со градежништвото и просторното планирање.
Поради тоа, предметот е проследен и до надлежниот инспекторат за просторно планирање и градежни работи, кој треба да утврди дали терасата каде се поставени шаторите е воопшто наменета и безбедна за ваков вид користење.
Од институциите посочуваат дека според новите законски решенија ваква понуда може да биде дозволена само ако е дел од регистриран сместувачки капацитет, но конечната одлука ќе зависи од тоа дали објектот ги исполнува сите технички и безбедносни услови.
…
