Нова видео снимка од обидот за атентат врз американскиот претседател Доналд Трамп е објавена на социјалните мрежи, при што се гледа како осомничениот успева да го пробие безбедносниот прстен за само неколку секунди.
Снимката ја сподели Џанин Пиро, која информираше дека видеото веќе е доставено до Окружниот суд на САД како доказен материјал. На него, според официјалните информации, се гледа како напаѓачот, идентификуван како Кол Ален, отвора оган кон припадник на американската Тајна служба за време на настанот – вечерата на дописниците во Белата куќа.
„Нема докази дека станува збор за пријателски оган“, се наведува во објавата, со што се отфрлаат шпекулациите дека пукањето било резултат на интерна грешка во обезбедувањето.
Надлежните најавија дека против осомничениот ќе бидат покренати обвиненија пред федерален суд, меѓу кои напад врз јавен службеник, употреба на огнено оружје и обид за убиство.
Истрагата за целиот случај продолжува, а безбедносните служби работат на утврдување на сите околности и евентуални пропусти во обезбедувањето на настанот.
Today, we are releasing video already provided to U.S. District Court showing Cole Allen shoot a U.S. Secret Service officer during his attempt to assassinate the President at the White House Correspondents’ Dinner.
There is no evidence the shooting was the result of friendly… pic.twitter.com/a8gRXkW6BH
— US Attorney Pirro (@USAttyPirro) April 30, 2026
…
