Иранските вооружени сили испратија јасна порака до Морнарицата на САД да се воздржи од влегување во Ормуската Теснина, преку официјално соопштение објавено во државните медиуми.
Ова предупредување доаѓа во контекст на најавената американска операција за деблокирање на бродови кои моментално се задржани во овој стратешки важен морски премин.
Од Техеран нагласуваат дека контролата и безбедноста на Ормуската Теснина се под нивна надлежност, потенцирајќи дека секое безбедно движење на пловила мора да се одвива во координација со иранските воени структури.
„Во повеќе наврати истакнавме дека безбедноста на теснецот е во наши раце и дека секое движење на бродови треба да биде усогласено со вооружените сили на Иран“, стои во соопштението.
Ситуацијата дополнително ги зголемува тензиите во регионот, кој важи за еден од клучните светски енергетски коридори.
…
