Украинските сили за беспилотни системи извршиле напад врз два руски воени хеликоптери во Воронешката област, регион кој се наоѓа длабоко во внатрешноста на Руската Федерација. Според украински извори, цел на нападот биле летала од типовите Ми-28 и Ми-17.
Информацијата ја потврдил командантот на овие сили, Роберт Бровди, познат под прекарот „Маѓар“, кој на социјалните мрежи објавил и видео од самата операција.
Во последниот период зачестија нападите со дронови врз руски цели, но овој удар се издвојува како значаен, имајќи предвид дека мета биле воени хеликоптери. Снимката што беше објавена го прикажува текот на нападот и укажува на зголемената прецизност и ефикасност на украинските беспилотни системи при гаѓање на стратешки цели.
Засега нема официјални информации за евентуални жртви меѓу рускиот воен персонал, ниту пак се познати точните размери на штетата на погодените летала.
Insane video of Ukrainian drones earlier today hitting two Russian military helicopters an Mi8 and Mi-24 attack helicopter parked at a makeshift airfield 150km behind the frontline in Voronezh region. pic.twitter.com/TRXMZOpXHs
— WarMonitor🇺🇦🇬🇧 (@WarMonitor3) April 29, 2026
…
