Град Скопје најави дека во четврток, во раните утрински часови, ќе се спроведе авионска дезинсекција на градското подрачје, насочена кон сузбивање на ларвите од комарци.
Од надлежните служби информираат дека активноста е планирана според однапред утврден распоред, но дека реализацијата може да се одложи доколку временските услови не дозволуваат безбедно извршување. Во таков случај, прскањето ќе биде спроведено првиот следен ден со соодветни временски услови, во истите утрински термини.
Градот упатува и апел до пчеларите навремено да преземат заштитни мерки за своите пчелни семејства, со цел да се избегнат можни негативни последици од третманот.
…
