Судењето пред Кривичниот суд во Скопје против пратеникот од Левица, Сашко Јанчев, денеска продолжува, а тој кој се соочува со обвинение поврзано со тешката сообраќајна несреќа во која трагично го загуби животот 16-годишниот Матеј Димовски.
Случајот се однесува на настан од 14 септември минатата година, кога во селото Марино, скопско, дошло до судир меѓу возило управувано од Јанчев и мотор кој го возел малолетниот Димовски. Според досегашните тврдења на обвинителството, при свртување со автомобилот, Јанчев не се осигурал дека маневрот може безбедно да се изведе, по што дошло до директен судир со моторциклот.
Обвинителството го товари за „тешки дела против безбедноста на луѓето и имотот во сообраќајот“, при што се наведува и дека моторот не бил регистриран и немал соодветна светлосна опрема. Дополнително, се посочува дека 16-годишниот возач немал возачка дозвола, а неговата 13-годишна сопатничка не носела заштитна кацига.
Во меѓувреме, семејството на загинатиот Димовски реагираше со писмено обраќање пред денешното рочиште, изразувајќи незадоволство од ставот на обвинетиот, кој претходно изјавил дека не се чувствува виновен.
…
