Драматично видео објавено од украинска страна прикажува застрашувачки сцени од блиска борба во Серебрјанска шума, каде војниците се борат гради в гради додека се движат под дожд од куршуми и експлозии.
На снимката се гледа како украински војници се позиционираат низ полууништена шума, додека над нивните глави свистат куршуми, а околу нив одекнуваат детонации додека дрвјата се искршени и изгорени, а воздухот исполнет со чад и прашина.
Според воени извори, Серебрјанската шума со месеци претставува едно од најжестоките жаришта на фронтот, каде борбите често се водат „гради во гради“, на само неколку метри растојание.
Она што дополнително ја прави снимката морничава е фактот што шумата, која во моментот на борбите веќе била делумно уништена, денес практично повеќе не постои. По непрекинатите артилериски напади, пожари и бомбардирања, целиот простор е претворен во пеплосан пејзаж без речиси ниту едно здраво дрво.
Видеото експресно се прошири на социјалните мрежи, каде корисниците го опишуваат како „суровата реалност на војната“ и „вистински пекол на земјата“.
