Тешка сообраќајна несреќа се случила во Скопје, откако автомобил удрил во двајца пешаци на крстосница во населбата Топанско Поле.
Според информациите од Министерство за внатрешни работи, несреќата била пријавена на 9 мај 2026 година околу 12:50 часот во СВР Скопје.
Инцидентот се случил на крстосницата меѓу улиците „Македонско-косовска бригада“ и „Аугуст Цезарец“, каде патничко возило „Фолксваген Голф“ со скопски регистарски ознаки, управувано од 51-годишниот Д.И. од Скопје, удрило во двајца пешаци.
Во несреќата биле повредени 57-годишната Ф.С. и 27-годишниот А.Т., двајцата од Скопје.
Од полицијата информираат дека жената се здобила со тешки телесни повреди, додека кај вториот пешак биле констатирани телесни повреди.
Повредените веднаш биле пренесени во Клинички центар Мајка Тереза, каде им била укажана лекарска помош.
На местото на несреќата увид извршила увидна екипа од СВР Скопје, а се преземаат мерки за целосно расчистување на околностите под кои се случила сообраќајката.
