Започнува судскиот процес против 13 полициски службеници и началници од ОВР-Кочани и СВР-Штип, кои на 16 март биле на дежурство и дел од обезбедувањето во дискотеката „Пулс“. Тие се товарат за тешко дело против општата безбедност и сигурност.
Според обвинението, кобната ноќ не била прекината забавата во објектот, ниту пак било спречено користењето пиротехнички средства, и покрај тоа што ситуацијата очигледно носела ризик. Обвинителството тврди дека со нивното непостапување биле создадени услови за трагичниот исход.
Предметот ќе го води обвинителката Спасенка Андонова од Обвинителството за гонење организиран криминал и корупција.
Паралелно со овој процес, се водат уште две одвоени постапки против вкупно 12 полициски службеници, кои се товарат за злоупотреба на службената положба.
Само пред една недела, судот во друг поврзан предмет изрече условни затворски казни за тројца обвинети, со што постепено се заокружува правната разврска на случајот што ја потресе јавноста.
…
