Поранешниот полски министер за правда Збигњев Зиобро се наоѓа во Соединетите Американски Држави, иако претходно доби политички азил во Унгарија, објавија повеќе медиуми.
Информацијата ја потврди и полскиот државен обвинител Валдемар Журек, кој изјави дека полските власти имаат сознанија дека Зиобро пристигнал во САД, но засега не е познато дали таму ќе остане или ќе замине во друга држава.
Полски медиуми објавија фотографија од Зиобро на аеродром во Њујорк, Њу Џерси. Според информациите, тој влегол во САД со виза издадена за време на администрацијата на американскиот претседател Доналд Трамп.
Полското обвинителство соопшти дека ќе ги искористи сите механизми предвидени со домашното и меѓународното право за да го врати Зиобро во Полска и да поднесе обвинение против него.
Зиобро е под истрага поради сомнежи за создавање и водење организирана криминална група, проневера на средства и давање лажни докази. Политички азил во Унгарија добил заедно со сопругата, а азил добил и поранешниот директор на владината агенција за државни резерви Марчин Романовски, кој исто така е предмет на истрага.
Во меѓувреме, новиот унгарски премиер Петер Маѓар најави дека ќе ги екстрадира сите лица кои добиле азил со цел да избегнат судски постапки, при што директно го спомена и Зиобро.
…
