Со длабока тага јавноста ја прими веста за смртта на д-р Јордан Пачков, поранешен пратеник во Собранието на Република Македонија од редовите на ВМРО-ДПМНЕ, истакнат лекар, публицист и долгогодишен општественик.
Од ОК ВМРО-ДПМНЕ Куманово, каде Пачков во минатото ја извршуваше функцијата претседател, упатија последен поздрав, истакнувајќи дека тој бил човек со визија, достоинство и голема љубов кон Куманово и Македонија.
„Својот живот го посвети на медицината, науката, пишаниот збор и општественото дејствување, оставајќи зад себе трајни вредности и дела кои ќе сведочат за неговата посветеност и човечност“, наведуваат од партијата.
Во објавата се потенцира дека како претседател на ОК ВМРО-ДПМНЕ Куманово дал значаен придонес во развојот и зацврстувањето на организацијата, а како пратеник во македонското Собрание достоинствено ги застапувал интересите на граѓаните и државата.
Од кумановскиот комитет нагласуваат дека неговото име и дело ќе останат трајно врежани во колективната меморија на Куманово.
„Изразуваме искрено сочувство до неговото семејство, роднините, пријателите и сите кои го познаваа и почитуваа. Нека му е вечна слава и благодарност“, стои во последниот поздрав.
…
