Инцидент се случил за време на воздушното шоу „Gunfighter Skies“ во американската држава Ајдахо, откако, според првичните информации објавени на социјалните мрежи, дошло до судир во воздух меѓу воени авиони на американската морнарица.
Според објавите, во инцидентот биле вклучени борбени авиони Boeing F/A-18 Super Hornet и/или Boeing EA-18G Growler за време на настап на шоуто во базата Mountain Home Air Force Base.
На видеата што се шират на интернет се гледа густ чад и пад на летало, додека сведоци тврдат дека биле забележани четири падобрани, што укажува дека дел од екипажот успеал да се катапултира пред падот.
Засега нема официјална потврда за бројот на повредени или загинати, ниту детали за причините за инцидентот. Американските власти сè уште не излегоа со официјално соопштение, а истрагата за несреќата е во тек.
