По освоената шампионска титула во Македонија, прославата на фудбалерите на скопски Вардар беше засенета од инцидент кој предизвика силни реакции во јавноста. На социјалните мрежи се прошири бран од поддршка за пејачката Каролина Гочева, откако беше објавено дека дел од играчите за време на славењето изведувале вулгарна песна на нејзина сметка, во која била спомнувана и Битола.
Настанот набрзо прерасна во тема на осуда, при што од повеќе страни беше оценет како непримерен и недостоен за спортски шампион. Реакцијата не изостана ниту од институциите, министерот за спорт Борко Ристовски го критикуваше однесувањето на фудбалерите, упатувајќи јасна порака дека вакви постапки не смеат да бидат дел од јавната прослава, и побара клубот јавно да се извини.
Став за случувањата зазеде и Фудбалската федерација на Македонија, која исто така го осуди инцидентот. Од федерацијата најавија дека ќе биде покрената постапка против клубот, а не се исклучува можноста Вардар да се соочи и со дисциплинска казна.
…
