По посвежото утро, денот носи променливо облачно време со повремени сончеви периоди, а во пограничните предели можно е краткотрајно провејување на слаб дожд. Атмосферата ќе остане релативно мирна, проследена со слаб до умерен ветер од северозападен правец, кој на моменти ќе донесе пријатно разладување.
Утринските температури низ земјава ќе се движат од два до 11 степени, додека во текот на денот живата во термометарот ќе достигне меѓу 15 и 25 степени, зависно од регионот.
Во главниот град не се очекуваат поголеми временски изненадувања. Скопје ќе има комбинација од облаци и сончеви периоди, со слаб до умерен северен ветер што повремено ќе ја освежува атмосферата. Температурата наутро ќе се спушти до осум степени, а дневната ќе достигне околу 24 степени.
…
