Литванија денеска прогласи тревога за „воздушна опасност“ откако беспилотно летало било забележано во близина на главниот град Вилнус, по што НАТО подигна борбени авиони за пресретнување.
Литванските власти упатија итен апел до граѓаните веднаш да се засолнат, а привремено беше прекинат и сообраќајот на аеродромот во Вилнус поради страв од нарушување на воздушниот простор.
„Веднаш засолни се на безбедно место, грижи се за своите најблиски и чекај нови препораки“, соопшти литванската армија во порака испратена до жителите на главниот град.
Предупредување било активирано и во зградата на парламентот, каде преку системот за јавно обраќање било побарано сите присутни да се упатат кон најблиските засолништа.
Според литванските медиуми, претседателот Гитанас Науседа, премиерката Инга Ругиниене и пратениците биле евакуирани и преместени во засолништа.
Националниот центар за управување со кризи соопшти дека тревогата била активирана откако дрон бил забележан како лета од правец на Белорусија кон литванската граница. Засега не е потврдено чие е леталото.
Министерот за одбрана на Литванија изјави дека сè уште не е познато дали станува збор за украински дрон. Неколку часа подоцна, предупредувањето беше укинато, а аеродромот во Вилнус продолжи со редовно функционирање.
Инцидентот доаѓа само еден ден откако Естонија соопшти дека борбен авион на НАТО соборил сомнителен украински дрон над естонска територија. Украина подоцна се извини за „ненамерниот инцидент“, додека Русија предупреди дека ќе реагира доколку украински беспилотни летала бидат лансирани од територијата на балтичките држави.
Естонскиот министер за одбрана Хано Певкур изјави дека дронот најверојатно бил насочен кон руски цели, а бил соборен од романски борбен авион на НАТО за време на тренинг мисија.
Естонската армија соопшти дека одлуката за соборување била донесена со цел да се заштитат цивилите и инфраструктурата, во услови на засилени безбедносни тензии во регионот поради војната меѓу Русија и Украина.
Lithuanian government was taken to a bunker
A drone approaching from Belarus triggered a security alert in Lithuania. The president, prime minister, and speaker of the Seimas were urgently taken to shelters.
Members of the Lithuanian parliament (photo) were likewise in… https://t.co/D3s1GnSmWB pic.twitter.com/6UhP8HqVlq
— NEXTA (@nexta_tv) May 20, 2026
…
