Извор: Гламур
Поранешната македонска мисица Јулија Ѓорѓиевска од Крива Паланка, повторно се најде во фокусот на јавноста, откако заврши во полициска станица по инцидент поврзан со службена акција на терен.
Според информациите од надлежните институции, настанот се случил на локалитетот „Калин Камен“, каде што службени лица од Агенцијата за храна и ветеринарство спроведувале постапка за заловување и заплена на крупен добиток. Во текот на интервенцијата, ситуацијата на терен ескалирала откако, како што се наведува, Ѓорѓиевска се обидела да ја спречи постапката.
Од Министерството за внатрешни работи соопштуваат дека таа не ја прифатила интервенцијата на инспекциските служби и наводно пружила отпор, со што ја попречила нивната работа. Поради тоа била повикана и полициска асистенција, по што лицето било приведено и спроведено во надлежната полициска станица.
По завршување на целосната документација на случајот, се очекува против неа да биде поднесена соодветна пријава, во зависност од утврдените околности и квалификацијата на делото.
Ова, според локални извори, не е првпат името на Ѓорѓиевска и нејзиното семејство да се поврзува со слични ситуации поврзани со крупен добиток и интервенции на надлежните служби. Жителите на Крива Паланка и околината претходно реагирале на проблеми со слободно движење на добиток во регионот, што во повеќе наврати довело до институционални постапки.
ВИДЕОТО МОЖЕТЕ ДА ГО ПОГЛЕДНЕТЕ ТУКА
…
