Полициски службеници од Полициското одделение Групчин на 20.05.2026 во 13:30 часот во тетовското село Добарце лишиле од слобода 15-годишен малолетник од истото село, откако бил затекнат како управува патничко возило без возачка дозвола.
Како што информира полицијата, при сообраќајна контрола било сопрено патничко возило „опел вектра“ со тетовски регистарски ознаки, при што било утврдено дека малолетникот го управувал возилото без да се стекне со право на управување моторно возило.
По целосно документирање на случајот, против него ќе следува соодветна пријава.
