Поранешниот германски министер за Европа Михаел Рот упати остри критики кон Бугарија, оценувајќи дека нејзиниот пристап кон европската интеграција на Северна Македонија претставува неоправдано попречување кое треба веднаш да заврши.
Рот, во објава на социјалната мрежа „X“, порача дека ваквиот однос кон процесот на проширување на Европска Унија ја ослабува самата Унија и ја зголемува нестабилноста во Западен Балкан, потенцирајќи дека од него корист имаат само надворешни авторитарни актери.
Bulgaria’s stupid obstruction of North Macedonia’s EU path is irresponsible and must stop.
It weakens the EU, destabilizes the Western Balkans, and only benefits Russia, China, and other authoritarian actors.
The new Bulgarian government should be ashamed. https://t.co/0PwDm7WGvV— Michael Roth 🇪🇺🇺🇦🇮🇱🇬🇪 (@MiRo_SPD) May 22, 2026
Неговите реакции следуваат по ставовите на бугарските институции дека европскиот консензус од 2022 година останува обврзувачка рамка за пристапниот процес на Северна Македонија, без можност за негово преговарање или редефинирање.
Во меѓувреме, министерот за надворешни работи Тимчо Муцунски имал средба со својата бугарска колешка, при што повторно било нагласено дека прашањата поврзани со јазикот, идентитетот и културата не можат да бидат предмет на преговори.
Според информациите, на состанокот бил отворен и дијалог за правата на македонската заедница во Бугарија, како и за одлуките на Европскиот суд за човекови права, кои се дел од поширокиот контекст на билатералните односи.
Во дипломатските активности во Бугарија се вклучи и германскиот министер за надворешни работи Јохан Вадепул, кој порача дека проширувањето на ЕУ останува геополитичка неопходност и дека Унијата се стреми кон забрзување на тој процес.
…
