Времето денеска во Македонија ќе биде променливо облачно и нестабилно, со пороен дожд, грмежи и засилен ветер на повеќе места низ земјата. Според прогнозите на Управата за хидрометеоролошки работи, локално се очекуваат поинтензивни процеси кои може да прераснат во силно невреме проследено со обилни врнежи, електрични празнења и ветер со брзина над 60 километри на час, како и услови за појава на град.
Утринските температури ќе се движат од 8 до 17 степени, а дневните ќе достигнат од 20 до 28 степени.
Во Скопје се очекува слично време – променливо облачно и нестабилно, со повремени поројни врнежи, грмежи и засилен северен ветер. Температурата во главниот град ќе се движи од 12 до 24 степени.
Нестабилното време ќе продолжи и во текот на викендот, кога повторно се најавуваат дожд, грмежи и локално невреме. Од понеделник ќе има изолирана појава на пороен дожд и грмежи, додека краткотрајна стабилизација на времето се очекува во вторник и среда, кога ќе преовладува сончево и потопло време.
Според најавите, нов бран врнежи и промена на временските услови се очекуваат повторно во четврток.
